Robe de mati sta mularia bisiàca, i combina de tuti i colori: balone, schersi de mona, ’ndar a morose a Cividal co tute le babe che xe in casa… Ma mai gavevo sentì che par imbroiar un posto de bloco dei caramba par paura de éssar becài pienoni de vin i ga fat finta de imbriagar perfin un daino. Robe de pissarse dosso ste storiele. Come quela dei dó amici che se trova e un ghe disi a quel altro: ciò, simpatica to molie, de tant ridar semo cascai dal let.

Bote de orbi, bote de curar co l’aqua de buro, quela che usava i veci bisiàchi che no i capiva un boro de quel che ghe diseva el dotor. Lu ghe ordinava acqua de Burov, quel russo che ga inventà la pomata contro i dolori. Invece i veci squaiava un dit de buro ta un poca de acqua e i se bagnava. Che schifo, epur i guariva. Ma ste robe no xe scrite tal libro: miga xe tute qua le monàde de noi bisiàchi. Legè sto libret, xe de morir de ridar. Roberto Covaz